愛靚係女士嘅天性，扮靚係女士嘅天職，頭髮同皮膚就係每位愛美之人嘅命根；頭髮護理除咗去去Salon，自己買吓護髮產品外，原來女神髮質都可以由自己做起。今日小編為各位愛髮人士搜羅咗一啲洗頭冷知識，大家不妨參考一下：

撰文：Wayne

1.洗頭要用溫水，水溫過高會洗走過多嘅頭皮油脂，凍水洗頭雖然可能唔會出現髮質乾澀、頭皮油脂過度清潔等問題，但有機會導致血管迅速收縮，造成身體不適。

2.接近人體體溫36度至38度嘅係溫水；38度以上是熱水；會令你覺得凍嘅就係凍水。所以，洗頭果陣水溫以唔超過40至45度較好，皮膚唔會太過乾燥，造成皮膚痕癢、脫皮等情況。同時溫水或熱水可以將毛鱗片打開，較輕易的洗走髒污、代謝物和油脂，並確保頭髮能有效率地吸收任何你塗抹嘅養分。

3.當頭髮接觸到熱水，會變得比平常更沒有彈性。如果用熱水洗完頭，馬上抹頭或梳頭時一定要特別小心，因為頭髮會特別容易斷裂

4.如果你用非常熱嘅水洗頭，有可能嚴重破壞髮根而令佢變得脆弱，你嘅毛髮或者會開始卷曲而變得毛躁，甚至陷入提早花白嘅危機。

5.如果用凍水做最後嘅沖洗，頭髮可能有好大機會可以長時間保持亮澤、健康，並免於毛躁。

6.香港雖然無溫泉，但去旅行浸溫泉會唔會影響頭髮或皮膚？間中浸下其實無傷大雅，每次不要超過15分鐘，前後都補足水分，避免體內水分流失過多便可。

你可能未必日日洗頭，但相信你日日都會見到自己嘅頭髮，凍水洗、熱水洗各有好處壞處，最好都係近乎體溫嘅溫水，再配合適合自己嘅洗髮產品，頭髮自然又長又黑又濃又密，健健康康啦。

關於iMeddy 線上醫療平台

iMeddy為香港領先的線上醫療平台，為用戶本地最新醫療及醫生資訊，並提供線上預約、視像問診、健康商城、智能醫生配對等功能。